தென் மாவட்டங்களில் ரவுடிகளின் அட்டகாசத்தை ஒழிக்க தனிப்படை அமைக்க வேண்டும்: காயல் அப்பாஸ் அரசுக்கு கோரிக்கை !*

ஷ்யாம் நீயூஸ்

26.02.2023 

தென் மாவட்டங்களில் ரவுடிகளின் அட்டகாசத்தை ஒழிக்க தனிப்படை அமைக்க  வேண்டும்: காயல் அப்பாஸ் அரசுக்கு கோரிக்கை !

தென் மாவட்டங்களில் ரவுடிகளின் அட்டகாசங்களை ஒழிக்க தனிப்படை அமைக்க வேண்டும் என தமிழக அரசுக்கு மக்கள் எழுச்சி ஜனநாயக கட்சியின் மாநில தலைவர் காயல் அப்பாஸ் கோரிக்கை விடுத்துள்ளார். இது குறித்து காயல் அப்பாஸ்  வெளியிட்டுள்ள அறிக்கையில் கூறியிருப்பதாவது, 

தூத்துக்குடி மாவட்டம் அய்யனடைப்பு சோரீஸ் புரத்தை சேர்ந்த முத்துக்குமார்,  தூத்துக்குடி நீதி மன்றத்தில் வழக்கறிஞராக பணி புரிந்த வந்த நிலையில் சமூக விரோதி கும்பலால் படு கொலை செய்ய பட்ட சம்பவம் மிகவும் கண்டிக்க தக்கது. மேலும் முத்துக் குமாரை இழந்து வாடும் அவரது குடும்பத்தினருக்கு ஆழ்ந்த இரங்கலையும் அனுதாபங்களையும் மக்கள் எழுச்சி ஜனநாயக கட்சி சார்பாக தெரிவித்து கொள்கிறோம்.  

   கடந்த ஆண்டுக்கு முன்னால் பழிக்கு பழி வாங்கும் செயலாக தொடர்ந்து படு கொலை சம்பவங்கள் நிகழ்ந்ததால் பொது மக்கள் அச்சத்தோடு வாழ்கிற சூழ்நிலை ஏற்ப்பட்டன. ஆனால் இப்போது பழிக்கு பழி என்கிற படு கொலை சம்பவங்கள் குறைந்ததால் பொது மக்கள் நிம்மதியாக வாழும் சூழலில்,  மீண்டும் தலை துக்கும் வகையில் பழிக்கு பழியாக வழக்குறிஞர்  முத்துக்குமார் படு கொலை சம்பவம் பொது மக்களிடையே அச்சத்தை ஏற்படுத்தி உள்ளது.மேலும் பழிக்கு பழி என்று படு கொலை செய்வது எந்த விதத்திலும் தீர்வு காண முடியாது என்பதை உணர்ந்து பழி வாங்கும் மன நிலையை மாற்றி மனித நேயத்துடன் வாழ தாழ்மையுடன் கேட்டு கொள்கிறோம். 

எனவே  வழக்குறிஞர் முத்துக்குமாரை கொடூரமான முறையில் படு கொலை செய்த உண்மையான குற்றவாளிகளை உடனடியாக கைது செய்து சட்டத்தின் முன் நிறுத்தி கடுமையான தண்டனைக்கு உள்ளாக்கப்பட வேண்டும். மேலும் தென் மாவட்டங்களில் மறை முகமாக நடை பெறும் கட்ட பஞ்சாயத்து மற்றும்  ரவுடிகளின் அட்டகாசத்தை ஒழிக்க தனிப்படை அமைக்க உடனடியாக நடவடிக்கை எடுக்க வேண்டும் என மக்கள் எழுச்சி ஜனநாயக கட்சி சார்பாக தமிழக அரசை வலியுறுத்தி கேட்டு கொள்கிறோம்  இவ்வாறு காயல் அப்பாஸ் கூறியுள்ளார்.